روان بيوتي هاوس · الخليل
هون، إنتِ ضيفة
عرايس، شعر، بشرة، ومناسبات. بنسمعك أول، وبنشتغل بعقل فاهم وإيد بتحب الشغل، وبنحكيلك الصدق دايماً.
قسم العروس
يوم العمر، بتفاصيل بتستاهليها
يوم عرسك بيستاهل يكون مرتب، هادي، وإلك إنتِ بس.
- استشارة خاصة قبل الزفاف
- مساعدة من فريقنا طول اليوم
- غرفة عروس ومدخل منفصل للعريس
- لا تصوير ولا نشر، أبداً
كل اللي بتحتاجيه، تحت سقف واحد
بيت كامل للجمال
الصبغات والألوان
لون بيليق فيكي، باستشارة قبل ما نبلش، وبخطوات بتحمي شعرك.
من 50 ₪
الميك اب والتسريحات
لكل مناسبة لوك، ولكل لوك تفاصيل بتشبهك.
من 80 ₪
جلسات البشرة
نضارة حقيقية بتبلش من بشرة نظيفة ومرتاحة.
من 10 ₪
علاجات الشعر
ترميم، بوتوكس، وميزو للفروة، بتشخيص وصراحة بالنتيجة.
من 60 ₪
الأظافر والحناء
إيديكي ورجليكي بيشيلوا يومك كله، وبيستاهلوا دلال.
من 10 ₪
الكوزمتكس
كل منتج بالمتجر منتقى بعناية، ومنه اللي منستعمله إحنا بالصالون.
تسوّقي
تشخيص قبل أي علاج
بنفحص الشعر أو البشرة وبنسمع توقعاتك قبل ما نختار. ما في خلطة وحدة للكل.
أصلي وآمن بس
Alfaparf Milano و Evan Care وماركات معروفة المصدر، نفس اللي بنبيعه بالمتجر.
الصدق قبل كل إشي
منحكيلك متى الخدمة بتنفع ومتى لأ، وما بنوعد بأكثر من الحقيقة.
خصوصيتك أمانة
بنحترم ديننا وعاداتنا، وما بنصوّر ولا بننشر صورة أي زبونة.
Rawan Ashour
عقل منظّم، وإيد فنانة، وقلب بيحب اللي بيعمله.
فنانة تجميل من 2015، وخريجة علم حاسوب وماجستير معلوماتية. صممت الصالون بإيدها تفصيلة تفصيلة، وبتعتبره ولد من ولادها.
عن روانشو حكيتوا عنا
النتيجة واو والتعامل ولا أروع 💞💞
بانتظارك بالبيت
الخليل، ضاحية البلدية، قرب جامعة بوليتكنك فلسطين مبنى بي، بجانب يافا ماركت
أسئلة بتتكرر
كيف بحجز موعد؟
اختاري الخدمة واليوم والفترة اللي بتناسبك من صفحة الحجز، وبنتواصل معك على واتساب لتأكيد الساعة بالضبط. وبتقدري كمان تحجزي مباشرة على واتساب.
ليش السعر "يبدأ من"؟
لأنه سعر كثير من الخدمات بيعتمد على طول الشعر وكثافته وحالته. بنحدد السعر النهائي بعد ما نشوف شعرك ونتفق عليه قبل ما نبلش.
شو المواد اللي بتستخدموها؟
منستخدم مواد احترافية أصلية من ماركات إيطالية وعالمية مثل Alfaparf Milano و Evan Care، ومنختار المواد حسب حالة كل زبونة.
هل في توصيل للمنتجات؟
نعم، منوصل لكل المناطق والدفع عند الاستلام، وبتقدري كمان تستلمي طلبك من الصالون.