الشعر
شعرك بيحكي قصته، واحنا بنسمعها قبل ما نلمسه.
كيف منشتغل
كل جلسة شعر عنا بتبلش بتشخيص: بنشوف نوع الشعر، تاريخه مع الصبغات والكيماويات، وحالة الفروة، وبنسمع شو بتتوقعي. بعدها بنختار العلاج أو المادة والنسبة المناسبة لشعرك إنتِ، مش خلطة وحدة للكل.
وبنحكي بصراحة: متى الجلسة بتنفع ومتى لأ، وإذا شعرك محتاج ترميم قبل الكيماويات، بنحكيلك قبل ما نبلش.
المواد
بنشتغل بمواد احترافية أصلية، أغلبها من Alfaparf Milano الإيطالية (منها لاين Lisse Design الخالي من الفورمالين)، و Evan Care للترميم والشعر الكيرلي، و BIONNEX السويدية العضوية.
معاييرنا
- تشخيص قبل أي علاج أو كيماويات
- بروتوكولات مكتوبة بخطوات واضحة لكل جلسة
- حماية الأطوال وما بنحط كيماويات زيادة عن الحاجة
- روتين بيتي يحافظ على النتيجة
- صراحة كاملة بالنتيجة المتوقعة
علاجات الشعر
جلسات علاجية لتغذية وترميم الشعر وفروة الرأس: الميزوثيرابي، الماسكات، البوتوكس، وعلاجات التساقط
حمام زيت مع سشوار
دلّعي شعرك على السريع: ترطيب ومساج وسشوار بأقل من ساعة.
جلسة الأرجان مع سشوار
وجبة دسمة لشعرك: علاج أرجان مخصص بعد تشخيص، بنتيجة بتحسيها من أول جلسة.
جلسة العناية بالشعر الكيرلي
كيرلي مرطب، محدد، وبدون هيشان: جلسة علاجية بأربع خطوات مخصصة لشعرك الكيرلي.
جلسة ترميم الشعر التالف
شعرك تعب من الصبغات؟ جلسة ترميم بتعالج روابطه من جوا وبترجّعله قوته.
جلسة بوتوكس الشعر
ودّعي النفشة بدون ما تخسري طبيعة شعرك: جلسة إيطالية آمنة وخالية من الفورمالين، بتدوم معك حوالي 3 شهور.
جلسة علاج فروة الرأس
"حاسة شعري بيتنفس": جلسة ديتوكس للفروة بطين Alfaparf، بتخلصك من الدهون الزايدة والقشرة وبتجهز فروتك لأي علاج.
جلسة ميزوثيرابي لفروة الرأس Basic
قبل ما تفكري بالزراعة، صحّي بصيلاتك: 4 جلسات ميزو، وشوفي الفرق بعينك.
جلسة ميزوثيرابي لفروة الرأس Plus
ميزو لفروتك، ترطيب لشعرك، وسشوار، كله بجلسة وحدة.
جلسة ميزوثيرابي لفروة الرأس Full
ديتوكس + ميزو + حمام زيت وسشوار: أقوى جلسة لفروة راسك.
باكج علاج التساقط
باكج علاج التساقط الشامل: 4 جلسات ميزو + روتين بيتي سويدي + متابعة، بـ 1000 شيكل بدل 1300.
تصفيف الشعر
التصفيف اليومي: السشوار، الستريت، الويفي، والقص بأنواعه
سشوار
شعرك جاهز لأي مشوار.
سشوار مع ستريت
شعر ستريت ناعم ولامع.
سشوار مع ويفي خفيف
ويفي ناعم بيعطي شعرك حياة.
قص شعر
قصة بتليق على وجهك.
قص أطراف
ودّعي التقصف وحافظي على طولك.
قص غرة
غرتك مرتبة بخمس دقايق.
قص أطفال
قصة حلوة لصغيرتك بجو مريح.
قص بيبي
أول قصة لصغيرك بلطف وأمان.
غسيل شعر
غسلة منعشة لشعرك.
كيماويات الشعر
البروتين والتمليس والفرد بمواد ممتازة تحافظ على الشعر، والصبغات، سحب اللون، والهايلايت
تمليس جذور الشعر
جذورك طلعت؟ منملسها لحالها وبنحافظ على باقي شعرك.
تمليس كامل للشعر
شعر ناعم وسهل كل يوم، بمواد بتحافظ على شعرك.
صبغة جذور
منابتك مرتبة ولونك موحد، بأقل من ساعة ونص.
صبغة عادية
لون جديد بيليق فيكي، باستشارة قبل ما نبلش.
خصل خفيفة
لمسة إضاءة بتنعش لونك، بدون ما تغيري كل شي.
خصل كامل مع صبغة
لوك جديد كامل، بلون مدروس على شعرك.
غسيل لون
لون ما عجبك؟ منرجعلك شعرك جاهز للون جديد.
سحب لون مع صبغة
من الغامق للفاتح، بخطوات بتحمي شعرك.